വയറേ ശരണം.......

സിപ്പി പള്ളിപ്പുറം സാറിന്റെ വയറേ ശരണം എന്ന പാട്ട് 

'വയറേ ശരണം' പാടിനടക്കും

പൊണ്ണത്തടിയൻ കുഞ്ഞവറാൻ 

കണ്ണിൽക്കണ്ടതു തിന്നു നടന്നു

കൈയും വായും കഴുകാതെ! 

രോഗാണുക്കൾ പയ്യെപ്പയ്യെ 

കുഞ്ഞവറാനെ പിടികൂടി 

വയറിനു വേദന, പല്ലിനു വേദന; 

വേദന വേദന സർവ്വത്ര! 

ഒന്നും തിന്നാൻ കഴിയാതൊടുവിൽ 

നിലവിളിയായീ പാവത്താൻ

'വൈദ്യര്' വന്നു 'ഡോക്ടറു' വന്നു. 

ബഹളം കൊണ്ടൊരു പൊടിപൂരം 

ആഹാരത്തിനു മുമ്പും പിമ്പും

കൈയും വായും കഴുകേണം 

ശുചിയായിട്ടു നടന്നില്ലെങ്കിൽ 

രോഗം നമ്മെ പിടികൂടും