.jpg)
ഒരു മതം മത ഇനി പരസ്നേഹ-
മൊരു വർഗ്ഗം മതി മനുഷ്യ സംജ്ഞകം
ഒരു രാഷ്ട്രം മതി ധാരാതലം, നമു-
ക്കൊരു ദൈവം മതി ഹൃദിസ്ഥിതം ദീപം
- ഉള്ളൂർ
ഇങ്ങേത് പാഴ്മരക്കൊമ്പിലും പക്ഷികൾ
സംഗീതമേളം തുടർന്നോരല്ലോ
ഭൂമിയിൽ പച്ചപ്പും മർത്യഹൃദയത്തിൽ
പ്രേമക്കുളിർമയും വ്യാപിച്ചല്ലോ.
- ബാലാമണിയമ്മ
സ്നേഹിക്കയില്ല ഞാൻ
നോവുമാത്മാവിനെ സ്നേഹിച്ചിടാത്തൊരു
തത്ത്വശാസ്ത്രത്തെയും.
-വയലാർ
സ്നേഹിച്ചിടുന്നു ഞാൻ
ചെന്തളിർചാർത്തിനെ
സ്നേഹിച്ചിടുന്നു
മണമെഴും പൂക്കളെ
സ്നേഹിച്ചിടുന്നു
തേൻമുറ്റിയ കായ്കളെ
സ്നേഹിച്ചു ഞാനിവ നൽകും
മരങ്ങളെ.
-എൻ.വി.കൃഷ്ണവാരിയർ
ഒരൊറ്റ മതമുണ്ടുലകിന്നുയിരാം
പ്രേമമതൊന്നല്ലോ
പരക്കെ നമ്മെ പാലമൃതൂട്ടും
പാർവണ ശശിബിംബം
- ഉള്ളൂർ
സ്‌നേഹമാണഖിലസാരമൂഴിയിൽ
സ്‌നേഹസാരമിഹ സത്യമേകമാം
മോഹനം ഭുവ സംഗമിങ്ങതിൽ
സ്നേഹമൂലമമലേ വെടിഞ്ഞു ഞാൻ
- നളിനി (കുമാരനാശാൻ)
സ്നേഹിക്കയുണ്ണീ നീ നിന്നെ
ദ്രോഹിക്കുന്ന ജനത്തെയും
ദ്രോഹം ദ്വേഷത്തെ നീക്കിടാ
സ്നേഹം നീക്കിടുമോർക്ക നീ.
- സ്നേഹം (കുമാരനാശാൻ)
അന്യജീവനുതകി സ്വജീവിതം
ധന്യമാക്കുമമലേ വിവേകികൾ
-നളിനി (കുമാരനാശാൻ)
സ്‌നേഹത്തിൽ നിന്നുദിക്കുന്നു ലോകം
സ്നേഹത്താൽ വൃദ്ധി തേടുന്നു
സ്നേഹം താൻ ശക്തി ജഗത്തിൽ സ്വയം
സ്നേഹംതാനാനന്ദമാർക്കും
സ്നേഹം താൻ ജീവിതം ശ്രീമാൻ സ്നേഹ
വ്യാഹതിതന്നെ മരണം
സ്നേഹം നരകത്തിൽ ദ്വീപിൽ സർഗ്ഗ
ഗേഹം പണിയും പടുത്വം
- ചണ്ഡാലഭിക്ഷുകി (കുമാരനാശാൻ)
നിന്നെപ്പോലെ നീ നിൻ്റെ അയൽക്കാരനെയും സ്നേഹിക്കുക.
- യേശുക്രിസ്തു
" എല്ലാറ്റിനും താക്കോലുണ്ട്. സ്വർഗത്തിന്റെ താക്കോൽ ദരിദ്രനോടുള്ള സ്നേഹമാണ്. "
- മുഹമ്മദ്‌ നബി
" അന്യരുടെ താത്പര്യങ്ങൾ പങ്കിടുന്നതാണ് ശരിയായ സ്നേഹവും നിസ്വാർഥതയും "
- സന്തായന
" സ്നേഹത്തിനു വേണ്ടിയുള്ള വിശപ്പ് ശമിപ്പിക്കുന്നത് അപ്പത്തിനു വേണ്ടിയുള്ള വിശപ്പ് ദൂരീകരിക്കുന്നതിലും വിഷമകരമായ കാര്യമാണ്."
- മദർ തെരേസ
" സ്നേഹത്തിനു വേണ്ടി തീവ്രമായ വിശപ്പും ദാഹവുമുള്ള എത്രയോ പേരേ ഞാൻ കാണുന്നു. അതു കിട്ടാത്തതാണ് ലോകത്തിന്റെ ദുരിതകാരണം."
- മദർ തെരേസ
" ഏറ്റവും നിസ്സാരസൃഷ്ടിയെപ്പോലും തന്നെപ്പോലെ സ്നേഹിക്കാൻ കഴിയുന്ന വ്യക്തിക്ക് മാത്രമേ സാർവലൗകികവും സർവവ്യാപിയുമായ നിത്യചൈതന്യത്തെ മുഖാമുഖം ദർശിക്കാൻ കഴിയൂ."
- മഹാത്മാ ഗാന്ധി
" കണ്ണുകൾക്കു കാണാൻ കഴിയാത്തത് സ്നേഹത്തിന് കാണാൻ കഴിയും.കാതുകൾക്ക് കേൾക്കാൻ കഴിയാത്തത് സ്നേഹത്തിന് കേൾക്കാൻ കഴിയും."
- ലുവേറ്റർ
