തെയ്യം, തിറ

തെയ്യം ഗ്രാമീണ അനുഷ്ഠാന കലാരൂപങ്ങളിൽ ഏറ്റവും പ്രധാനപ്പെട്ടതാണ് തെയ്യവും തിറയും. വേഷത്തിൽ തന്നെ ദൈവമായി സങ്കൽപ്പിക്കുന്നു എന്നതാണ് തെയ്യത്തിന്റെ പ്രത്യേകത. തെയ്യം കോലപ്രധാനമായ അനുഷ്ഠാന കലയാണ്. ദൈവം എന്നതിന്റെ തദ്‌ഭാവമാണ് തെയ്യം. കണ്ണൂർ, കോഴിക്കോട്, കാസർഗോഡ് ജില്ലകളിലെ പ്രദേശങ്ങളിൽ ഈ കലയ്ക്ക് പ്രചാരമുണ്ട്.

തിറ ദൈവപ്രീതിയ്ക്കുള്ള വേഷം കെട്ടി ആടലാണ് തിറ. തിറ ആട്ടപ്രധാനമായ അനുഷ്ഠാന കലയാണ്. ദേവതകളുടെ കോലം കെട്ടിയാടുന്ന ഗ്രാമീണ കലയാണിത്. കോഴിക്കോട് ജില്ലയിലാണ് തിറയാട്ടങ്ങൾ കൂടുതലായും ഉള്ളത്.