സ്വപ്നച്ചിറകുകൾ

ജൂലൈ 27എ പി ജെ അബ്ദുൽ കലാം സ്മൃതിദിനം ഭാരതംകണ്ട ഏറ്റവുംനല്ല മനുഷ്യസ്നേഹിയായ രാഷ്ട്രപതിയ്ക്ക് പ്രണാമം ഓർമ്മപ്പൂക്കൾ

അഗ്നിച്ചിറകേറി വാനിലേക്കുയർന്നോര-

ബ്ദുൽകലാമെന്നും

വാഴുന്നു മനതാരിൽ .

ഭാരതപൗരന്മാരെ സ്വപ്നത്തിൻ 

ചിറകേറ്റി വാനിലേക്കുയർത്തിയ

ശാസ്ത്രജ്ഞനല്ലോ നിങ്ങൾ .

ബുദ്ധന്റെ ചിരിക്കൊത്ത 

പുഞ്ചിരി തഞ്ചും മുഖം നിത്യവും 

കണികാണാനെവിടെപ്പോകും ഞങ്ങൾ?

സ്വപ്നം കണ്ടുറങ്ങാതെയുണരാൻ 

ജനങ്ങളെ നിത്യവുമുണർവ്വേകിയുണർത്തിയ മഹാത്മാവേ

ലാളിത്യം, സഹഭാവം, സ്നേഹസാമീപ്യവും 

പാലഞ്ചും പുഞ്ചിരിതൂകുന്ന മുഖഭാവം,

സ്വപ്നത്തിൻ ചിറകേറിയുയരും മനസ്സായി 

ഉജ്ജ്വലപ്രഭ പൂണ്ടു വിളങ്ങട്ടെ കലാമെന്നും 

ഹരീഷ് ആർ നമ്പൂതിരിപ്പാട്