മഴച്ചൊല്ലുകൾ

മഴയുമായി ബന്ധപ്പെട്ട പാഠങ്ങൾക്ക് ആവശ്യമായ ചൊല്ലുകൾ ....
മഴ ജീവിതത്തിൽ സമസ്ത രംഗങ്ങളിലും സ്വാധീനം ചെലുത്തിയിരുന്നുവെന്നതിന് തെളിവാണ് മഴയുമായി ബന്ധപ്പെട്ട നൂറുകണക്കിന് പഴഞ്ചോല്ലുകള്‍.

• ചിങ്ങത്തിലെ മഴ ചിണുങ്ങിച്ചിണുങ്ങി.
• തുലാപ്പത്ത് കഴിഞ്ഞാൽ പ്ലാപ്പൊത്തിലുമിരിക്കാം.
• മകരത്തിൽ മഴ പെയ്താൽ മണ്ണിന് വാതം.
• കുംഭത്തിൽ മഴ പെയ്താൽ കുപ്പയിലും നെല്ല്.
• മീനത്തിൽ മഴ പെയ്താൽ മീനിനും ഇരയില്ല.
• ഇടവത്തിൽ മഴ ഇടവഴി നീളെ.
• പെരുമഴ പെയ്താൽ കുളിരില്ല.
• ചെമ്മാനം കണ്ടാൽ അമ്മാനം മഴയില്ല.
• അന്തിക്കു വന്ന മഴയും വിരുന്നും അന്നു പോകില്ല.
• മഴ പെയ്താൽ പുഴയറിയും.
• മുച്ചിങ്ങം മഴയില്ലെങ്കിൽ അച്ചിങ്ങം മഴയില്ല.
• അട മഴ വിട്ടാലും ചെടി മഴ വിടില്ല.
• അത്തം കറുത്താൽ ഓണം വെളുക്കും.
• കർക്കിടകത്തിന് പത്തുവെയിൽ 
• മഴവെള്ളപ്പാച്ചിൽ മുറം കൊണ്ടു തടുക്കാമോ.
• മകീരത്തിൽ മതിമറന്ന് പെയ്യണം.
• തിരുവാതിരയിൽ തിരു തകൃതി.
• മഴ വീണാൽ സഹിക്കാം; മാനം വീണാലോ?
• ആയിരം വെയിലാവാം, അര മഴ വയ്യ.
• മകരത്തിൽ മഴ പെയ്താൽ മലയാളം മുടിയും.
• മഴ നിന്നാലും മരം പെയ്യും.
• തുലാപ്പത്ത് കഴിഞ്ഞാൽ പ്ലാപ്പൊത്തിലും കിടക്കാം.
• മഴവെള്ളപ്പാച്ചിൽ മുറം കൊണ്ട് തടുക്കാമോ?