LSS/USS Examination Registration Started :- ]><[ School Opening Check List for HM

General Knowledge Questions - 02

Share it:

RELATED POSTS

വിവിധ ക്വിസ് മത്സരങ്ങൾക്ക് തയ്യാറാക്കുന്നവർക്കും പി.എസ്.സി പരീക്ഷകൾക്ക് തയാറാകുന്നവർക്കും വേണ്ടി General Knowledge Question സീരീസ് എൽ.പി.എസ്.എ ഹെൽപ്പർ നിങ്ങൾക്കായി ഒരുക്കുന്നു.
  1. മത്സ്യങ്ങൾക്കിടയിലെ ഏറ്റവും വലിയ കൂട്ടരാണ് സ്രാവുകൾ.
  2. സ്രാവുകൾ എലാസ്മൊബ്രാങ്കുസ് എന്ന പ്രത്യേക മത്സ്യയിനത്തിലുള്ളവയാണ്.
  3. ചിതമ്പലുകൾ ഇല്ലാത്ത മത്സ്യങ്ങളാണ് സ്രാവുകൾ.
  4. ഏതാണ്ട് 400 ദശലക്ഷം വർഷങ്ങൾക്കു മുൻപ് തന്നെ സ്രാവുകൾ ഉടലെടുത്തു.
  5. നാനൂറിലധികം ഇനം സ്രാവുകൾ ഭൂമുഖത്തുണ്ട്.
  6. ലോകത്തിലെ എല്ലാ സമുദ്രങ്ങളിലും സ്രാവുകളുണ്ട്.
  7. സാധാരണയായി ശുദ്ധജലത്തിൽ സ്രാവുകൾ ജീവിക്കില്ല.
  8. എന്നാൽ കടലിലും ശുദ്ധജലത്തിലും ജീവിക്കാൻ കഴിയുന്ന രണ്ടിനം സ്രാവുകളുണ്ട്. അവയാണ് നദീസ്രാവ്, ബുൾ സ്രാവ് എന്നിവ.
  9. ഏതാണ്ട് 2000 മീറ്റർ താഴ്ച്ചയുള്ള കടൽഭാഗങ്ങളിൽ വരെ സ്രാവുകളെ കാണാം.
  10. സ്രാവിനങ്ങളിൽ ഏറ്റവും കുഞ്ഞൻ കുള്ളൻ റാന്തൽ സ്രാവാണ്.
  11. കൊളംബിയ, വെനസ്വേല എന്നീ രാജ്യങ്ങളോട് ചേർന്നുള്ള കടലിൽ മാത്രമാണ് കുഞ്ഞൻ കുള്ളൻ റാന്തൽ സ്രാവുകൾ ഉള്ളത്.
  12. പൂർണ്ണവളർച്ചയെത്തിയ ഈ കുള്ളൻ സ്രാവിന്‌ 17 സെന്റീമീറ്റർ വരെ മാത്രമേ നീളമുള്ളൂ.
  13. ഏറ്റവും വലിയ സ്രാവിനമാണ് തിമിംഗല സ്രാവ്.
  14. ലോകത്തിലെ ഏറ്റവും വലിയ മത്സ്യവും തിമിംഗല സ്രാവാണ്.
  15. ഇതുവരെ കണ്ടെത്തിയീട്ടുള്ളവയിൽ ഏറ്റവും വലിയ തിമിംഗല സ്രാവിന്‌ 12.65 മീറ്റർ നീളമുണ്ടായിരുന്നു. 21500 കിലോഗ്രാം ഭാരവും ഈ ഭീമന് ഉണ്ടായിരുന്നു.
  16. കടലിലെ ചെറുസസ്യങ്ങൾ, ചെറിയ മീനുകൾ, കണവകൾ എന്നിവയാണ് തിമിംഗല സ്രാവിന്റെ ആഹാരം.
  17. നല്ല വെയിലുള്ള സമുദ്രങ്ങളിലാണ് തിമിംഗല സ്രാവുകളെ കൂടുതലായും കാണുന്നത്.
  18. 70 മുതൽ 100 വർഷം വരെയാണ് തിമിംഗല സ്രാവുകളുടെ ആയുസ്സ്.
  19. സ്രാവുകളുടെ അസ്ഥികൾ പൊതുവെ കട്ടി കുറഞ്ഞവയാണ്.
  20. തരുണാസ്ഥികളാലാണ് സ്രാവുകളുടെ അസ്ഥികൂടം നിർമ്മിക്കപ്പെട്ടീട്ടുള്ളത്. കാർറ്റിലേജ് എന്നാണ് ഈ തരുണാസ്ഥികൾ അറിയപ്പെടുന്നത്.
  21. നമ്മുടെയൊക്കെ ചെവി, മൂക്ക് എന്നിവയെല്ലാം കാർറ്റിലേജിനാലാണ് നിർമ്മിച്ചിരിക്കുന്നത്.
  22. സ്രാവുകളുടെ ചെവികൾ തലയ്‌ക്കകത്തായാണ് സ്ഥിതിചെയ്യുന്നത്.
  23. കേൾവിക്കായി ലാറ്ററൈൽ ലൈൻ എന്നൊരവയവവും സ്രാവുകൾക്കുണ്ട്. ജലത്തിനടിയിലെ ശബ്ദങ്ങൾ കേൾക്കാൻ ഇത് സ്രാവുകളെ സഹായിക്കുന്നു.
  24. വളരെ കേൾവിശക്തിയുള്ളവയാണ് സ്രാവുകൾ. ഇരകളെ കിലോമീറ്ററുകൾ അകലെ നിന്നുപോലും കേൾവിയിലൂടെ തിരിച്ചറിയാൻ സ്രാവുകൾക്കാവും.
  25. സ്രാവുകൾക്ക് വളരെ ദൂരത്തിലുള്ള വസ്തുക്കളെ കാണാനാവുമെന്നാണ് കരുതപ്പെടുന്നത്.
  26. അപാരമായ ഘ്രാണശക്തിയുള്ള ജീവിയാണ് സ്രാവ്. ജലത്തിൽ കലർന്ന രക്തത്തിന്റെ നേർത്ത തുള്ളിപോലും ദൂരെ നിന്നും മണത്തറിയാനുള്ള കഴിവ് സ്രാവുകൾക്കുണ്ട്.
  27. മണിക്കൂറിൽ എട്ടുകിലോമീറ്റർ വരെയാണ് സ്രാവുകളുടെ ശരാശരി വേഗത.
  28. സ്രാവുകൾക്കിടയിലെ ഏറ്റവും വേഗക്കാരൻ ഷോർട്ട്ഫിൻ മാക്കോ സ്രാവാണ്. മണിക്കൂറിൽ 50 കിലോമീറ്റർ വേഗത്തിൽ ഇവയ്‌ക്ക് നീന്താനാവും.
  29. ബഹുഭൂരിപക്ഷം സ്രാവുകളും മാംസഭോജികളാണ്. എന്നാൽ വെജിറ്റേറിയനായ മൂന്നിനം സ്രാവുകളുണ്ട്.
  30. സ്രാവുകളുടെ പല്ലുകൾ നിരവധി തവണ കൊഴിയുകയും വീണ്ടും മുളയ്‌ക്കുകയും ചെയ്യുന്നു. ചിലയിനം സ്രാവുകളിൽ ജീവിതകാലത്ത് മുപ്പതിനായിരത്തോളം പല്ലുകൾ വരെ കൊഴിയാറുണ്ട്.
  31. വിചിത്രമായ രൂപങ്ങൾ ഉള്ള സ്രാവുകളുണ്ട്. ഹാമർഹെഡ് ഇനത്തിലെ സ്രാവുകളുടെ തലയ്‌ക്ക് ചുറ്റികയുടെ ആകൃതിയാണ്.
  32. ദേഹമാസകലം കറുത്ത പുള്ളികൾ ഉള്ളവയാണ് സീബ്രാ സ്രാവുകൾ. പകൽ സമയത്ത് ഉറക്കമാണ് സീബ്രാ സ്രാവുകളുടെ പ്രധാന പരിപാടി.
Share it:

GK Questions



Post A Comment:

0 comments: