ഇതുവരെ പ്രസിദ്ധീകരിച്ച Word of the Day കാണുവാൻ ഇനി മുതൽ പുതിയ പേജിൽ ലഭ്യമാകും

First Bell Class 2 Teacher's Note 15 February 2022

Mashhari
0
ഓൺലൈൻ ക്ലാസ്സിനു ശേഷം കുട്ടികളുമായുള്ള ആശയ വിനിമയം നടത്തുന്നതിനായി കാസർഗോട്ടെ AJBS Yelkana യിലെ അധ്യാപകനായ ശ്രീ.ജോസ് പ്രസാദ് സാർ എഴുതി തയാറാക്കുന്ന 'ടീച്ചേഴ്സ് നോട്ട് '. കേരളത്തിലെ രണ്ടാം ക്‌ളാസിൽ പഠിപ്പിക്കുന്ന അധ്യാപകർക്കും കുട്ടികൾക്കും അവരുടെ മാതാപിതാക്കൾക്കും അന്നന്നു പഠിപ്പിച്ച കാര്യങ്ങൾ ഇതിലൂടെ എളുപ്പം മനസ്സിലാക്കാനും പിന്നോക്കക്കാരായ കുട്ടികൾക്ക് വായിച്ചു കൊടുക്കാനും സാധിക്കും. ഇന്നത്തെ ക്‌ളാസുമായി ബന്ധപ്പെട്ട കാര്യങ്ങൾ താഴെ നൽകുന്നു.
TEACHER'S NOTE
STD 2. Malayalam
ഞാനാണ് താരം

ജലസ്രോതസ്സുകൾ മലിനമാകുന്ന സാഹചര്യങ്ങൾ കണ്ടെത്തി വരാൻ പറഞ്ഞിരുന്നു. നിങ്ങൾ കണ്ടെത്തിയ കാര്യങ്ങൾ അമൃത ടീച്ചർ ഇന്ന് വിശദമായി പരിശോധിച്ചു.

 ജലസ്രോതസ്സുകൾ മലിനമാവാൻ കാരണം എന്താക്കെ?
- വാഹനങ്ങൾ കഴുകുന്നത്
- തുണി അലക്കുന്നത്
- മലിനജലം ഒഴുക്കുന്നത്
- പ്ലാസ്റ്റിക് വലിച്ചെറിയുന്നത്
-

ജലം മലിനമായാൽ എന്താണ് പ്രശ്നം?
നമ്മൾ മലിനമായ പുഴയുടെ വീഡിയോ കണ്ടു. അതിലെ വെള്ളം കുടിക്കാനോ കുളിക്കാനോ ആഹാരമുണ്ടാക്കാനോ വസ്ത്രം അലക്കാനോ കൊള്ളില്ല.
ജലസ്രോതസ്സുകൾ മലിനമാക്കുന്നത് ശരിയല്ല. നമ്മൾ അങ്ങനെ ചെയ്യാൻ പാടില്ല.
അതിൽ ജലജീവികൾക്കോ ജല സസ്യങ്ങൾക്കോ വളരാൻ പോലും സാധിക്കില്ല.

പട്ടികപ്പെടുത്താം
ജലജീവികളുടെയും ജല സസ്യങ്ങളുടെയും പേരുകൾ പട്ടികയായി എഴുതൂ.

വെള്ളം പാഴാവുന്ന സാഹചര്യങ്ങൾ
- പൈപ്പ് പൊട്ടുന്നത്
- പൈപ്പ് ചോരുന്നത്
- ടാങ്ക് നിറഞ്ഞൊഴുകുന്നത്
- കുളിക്കുന്നതിന് ഷവർ ആവശ്യത്തിലധികം ഉപയോഗിക്കുന്നത്
- ആവശ്യത്തിലധികം ടാപ്പ് തുറന്നു വിടുന്നത്
-
വെള്ളം ഇങ്ങനെ പാഴാക്കിയാൽ പിന്നീട് നമ്മുടെ അത്യാവശ്യങ്ങൾക്ക് വെള്ളം കിട്ടാതെ വരും. അതിനാൽ വെള്ളം പാഴാവുന്നതു തടയാൻ നമ്മാൽ ആവുന്നതെല്ലാം നമ്മൾ ചെയ്യണം.

പോസ്റ്റർ തയ്യാറാക്കാം
ടീച്ചർ ഒരു കല്ല്യാണത്തിന് പോയപ്പോൾ പൈപ്പിനടുത്ത് കണ്ട പോസ്റ്ററിൽ എഴുതിയിരുന്നത് എന്താണെന്ന് ശ്രദ്ധിക്കൂ.
 അപ്പൂപ്പൻ ആറ്റിൽ കണ്ടു..
 അച്ഛൻ കിണറ്റിൽ കണ്ടു...
 നമ്മൾ പൈപ്പിൽ കണ്ടു....
 മകൻ കുപ്പിയിൽ കണ്ടു.....
 ചെറുമകൻ എവിടെ കാണുമോ???
ജലം അമൂല്യമാണ്
അത് പാഴാക്കരുത്

ജലം പാഴാക്കരുതെന്ന സന്ദേശം മറ്റുള്ളവരിലേക്കെത്തിക്കാൻ, ജലത്തിൻ്റെ പ്രാധാന്യം വ്യക്തമാക്കുന്ന ഇതുപോലൊരു പോസ്റ്റർ നിങ്ങളും തയ്യാറാക്കണം. ചിത്രം വരച്ച് അതിനെ മനോഹരമാക്കണം.

മറന്നിടല്ലേ...
ജലത്തിൻ്റെ പ്രാധാന്യം ഓർമ്മിപ്പിക്കുന്ന ഒരു വഞ്ചിപ്പാട്ട് പാഠപുസ്തകത്തിൻ്റെ പേജ് 106 ൽ ഉണ്ട്. എല്ലാവരും അത് വായിച്ചു നോക്കി ഈണം കണ്ടെത്തി പാടാൻ ശ്രമിക്കണേ.

Your Class Teacher

Post a Comment

0Comments

Post a Comment (0)

#buttons=(Accept !) #days=(20)

Our website uses cookies to enhance your experience. Check Now
Accept !