ഇതുവരെ പ്രസിദ്ധീകരിച്ച Word of the Day കാണുവാൻ ഇനി മുതൽ പുതിയ പേജിൽ ലഭ്യമാകും

Class 2 Teacher's Note 04 December 2020

Mashhari
0
ഓൺലൈൻ ക്ലാസ്സിനു ശേഷം കുട്ടികളുമായുള്ള ആശയ വിനിമയം നടത്തുന്നതിനായി കാസർഗോട്ടെ AJBS Yelkana യിലെ അധ്യാപകനായ ശ്രീ.ജോസ് പ്രസാദ് സാർ എഴുതി തയാറാക്കുന്ന 'ടീച്ചേഴ്സ് നോട്ട് ' ഇന്ന് മുതൽ ഈ ബ്ലോഗിൽ ലഭ്യമാകുന്നു. കേരളത്തിലെ രണ്ടാം ക്‌ളാസിൽ പഠിപ്പിക്കുന്ന അധ്യാപകർക്കും കുട്ടികൾക്കും അവരുടെ മാതാപിതാക്കൾക്കും അന്നന്നു പഠിപ്പിച്ച കാര്യങ്ങൾ ഇതിലൂടെ എളുപ്പം മനസ്സിലാക്കാനും പിന്നോക്കക്കാരായ കുട്ടികൾക്ക് വായിച്ചു കൊടുക്കാനും സാധിക്കും. ഇന്നത്തെ ക്‌ളാസുമായി ബന്ധപ്പെട്ട കാര്യങ്ങൾ താഴെ നൽകുന്നു.

04/12/2020 TEACHER'S NOTE Std 2. Malayalam - 36.  ഈ തെറ്റിന് ശിക്ഷയില്ല
ചെടിയുടെ ചിത്രത്തിൽ ഭാഗങ്ങൾ അടയാളപ്പെടുത്തി കാണിച്ചു തന്നു കൊണ്ടാണ് അമൃത ടീച്ചർ ക്ലാസ്സു തുടങ്ങിയത്. വേര്, തണ്ട്, ഇല, പൂവ്, കായ എന്നീ ഭാഗങ്ങൾ നിങ്ങളും അടയാളപ്പെടുത്തിയില്ലേ?

ഇലപ്പാട്ട്
കിട്ടനെലിയുടെ ഇലപ്പാട്ട് നിങ്ങൾക്ക് ഇഷ്ടപ്പെട്ടോ? രണ്ടു വരിയേ അവന് അറിയൂ. ടീച്ചർ 2 വരികൂടി കൂട്ടിച്ചേർത്തു. നിങ്ങൾ ഒരു 4 വരി കൂടി കൂട്ടിച്ചേർക്കില്ലേ?
ഇലയിലയിലയില ആമ്പലില
ഇലയിലയിലയില വാഴയില
ഇലയിലയിലയില പേരയില
ഇലയിലയിലയില മാവില
.....................................
.....................................
.....................................
.....................................

വായന
നേരം വെളുത്തു ..... മുതൽ ...... ഇത്തവണ നാം ക്ഷമിച്ചിരിക്കുന്നു, വരെയുള്ള ഭാഗമാണ് ഇന്ന് വായിച്ചു കേട്ടത്. നിങ്ങളും വായിച്ചല്ലോ. എങ്കിൽ രണ്ട് ചോദ്യങ്ങൾ ആയാലോ?

- ചെടി മോഷണം പോയെന്ന് രാജാവ് മനസ്സിലാക്കിയതെങ്ങനെ?
ഉ: പിറ്റേന്ന് നേരം പുലർന്നപ്പോൾ കാറ്റിന് സുഗന്ധം ഉണ്ടായിരുന്നില്ല.
- കുറ്റവാളികളെ ശിക്ഷിക്കേണ്ടെന്ന് പറഞ്ഞത് ആരാണ്?
ഉ: ..
- ഏതു ഭാഗം നട്ടപ്പോഴാണ് ആ ചെടിക്ക് തൈകൾ ഉണ്ടായത്?
ഉ: ...

 ഏതു ഭാഗം മുളയ്ക്കും?
ഇല
ഇലമുളച്ചി
തണ്ട്
ചെമ്പരത്തി, റോസ്, കപ്പ
വിത്ത്
പയർ, ചീര, മത്തൻ, വെണ്ട, പാവൽ
കിഴങ്ങ്
ചേമ്പ്, ചേന, ഇഞ്ചി
വേര്
കറിവേപ്പ്, ശീമപ്ലാവ്, കൊന്ന
വള്ളി
മധുരക്കിഴങ്ങ്
ഓരോ വിഭാഗത്തിലും നിങ്ങൾ കണ്ടെത്തുന്നവ കൂട്ടി ചേർക്കുമല്ലോ.

വിത്ത് നടാം
ഒരു ചിരട്ടയിൽ കുറച്ച് മണ്ണെടുത്ത് പയർ വിത്തുകൾ നട്ടു നോക്കിയാലോ? ദിവസവും കുറച്ച് വെള്ളം തളിച്ചു കൊടുക്കണം.

നിരീക്ഷണക്കുറിപ്പ്
കുറഞ്ഞത് പത്തു ദിവസമെങ്കിലും പാകിയ വിത്തുകൾ നിരീക്ഷണം. ഓരോ ദിവസവും ചെടിക്കുണ്ടാകുന്ന മാറ്റങ്ങൾ നോട്ടുബുക്കിൽ എഴുതണം.

അടുത്ത ക്ലാസ്സിൽ വരുമ്പോൾ കട്ടിയുള്ള ഒരു ഇലയും ക്രയോൺസും കൊണ്ടുവരാൻ മറക്കരുത്. നോട്ട് ബുക്കിൻ്റെ കടലാസിനേക്കാൾ വലിയ ഇലകൾ വേണ്ട.

Your Class Teacher

Post a Comment

0Comments

Post a Comment (0)

#buttons=(Accept !) #days=(20)

Our website uses cookies to enhance your experience. Check Now
Accept !